3 Days in China

3 Days in China é un documental no que, a modo de road movie seguimos ao deseñador industrial Jon Marshall, e ao seu equipo, xunto coa fundadora de Ambessa Play Sara Berkai a través da provincia chinesa Shenzen.

Durante tres días, os protagonistas do documental visitan 8 factorías diferentes nas que se producirá a Ambessa Play DIY Flashlight, unha lanterna modular pensada para que nenos e nenas aprendan sobre electricidade, pero deseñada como fonte de iluminación para nenos e nenas en campos de refuxiados. Nas súas conversa, nos traxectos en coche entre fábrica e fábrica, ou cos enxeñeiros e empregados das factorías, van xurdindo todas as problemáticas do fráxil paso entre o deseño e a fabricación. Unha viaxe de 3 días nos que se afrontan e discuten dende simples decisión estéticas a complexos dilemas éticos. Onde se fala de sostibilidade, de compromiso social, de colaboración e da importancia de escoitar e defender unha idea, un deseño.